Будвада (Черногория) жастар арасында 2024 жылғы әлем чемпионаты өтіп жатыр, деп хабарлайды Altainews.kz тілшісі.

Төрехан Сабырхан, Аружан Зейноллаева мен Санжарәлі Бегалиев әлемдік бәскекде көк туымызды желбіретті.

67 келі салмақтағы Төрехан Сабырханмен жекпе-жектің алғашқы айналымында Монтенегро боксшысы бас тартты, әрі қарай Төрехан Ауғанстан (5:0), Өзбекстан (5:0) және Қытай (5:0) боксшыларынан басым түсті. Ақтық сында кубалық Дэвид Эспиносаны жеңд

Ал 81 келіде жұдырықтасатын Аружан Зейноллаева Ресей (5:0) және Польша (4:1) боксшыларын қапы қалдырып, ақтық сынға өтті. Финалда Рухшона Парпиеваны (Өзбекстан) айқын басымдықпен жеңді.

Санжарәлі Бегалиев 75 келіде жұдырықтасады. Біріншілік барысында ол Румыния (5:0), Болгария (5:0), Куба (4:1) және Польша (3:2) спортшыларын жеңді. Финалда Джафарбек Шахбазовтан (Өзбекстан) айқын басымдықпен айласын асырды.