Өскеменде жеті көліктің жалған мемлекеттік нөмірмен жүргені анықталды, деп хабарлайды Алтайньюс тілшісі.

Облыстық полиция департаменті баспасөз қызметінің өкілдері қала көшелеріне сәуір айында орнатылған «Сергек» аппараттық-бағдарламалық кешенінің жұмысы туралы айтты.

«Сәуірден бері «Сергіктің» көмегімен облыс орталығы аумағында 1 086 жол қозғалысы ережесін бұзылғаны анықталды. 869 автокөлік иесіне 15 миллион теңгеден астам айыппұл салынды. Жалған мемлекеттік нөмірі бар жеті көліктің иесі әкімшілік жауапкершілікке тартылды», - деп мәлімдеді ШҚО ПД баспасөз қызметі.