Шығыс Қазақстан облысының полиция қызметкерлері үш күн ішінде он киберқылмыстың бетін ашты, деп хабарлайды Алтайньюс тілшісі.

Оған қоса тәртіп сақшылары 30-дан астам сайттың заңсыз жұмыс істегенін анықтады. Осының барлығы ақпараттандыру саласындағы құқық бұзушылықтарға қарсы күреске бағытталған «Anti-fraud» жедел-алдын алу іс-шарасының аясында атқарылған жұмыстар.

«Облыс аумағында бұрын жасалған 10 қылмыс ашылды. Интернет кеңістігін мониторингілеу нәтижесінде порнографиялық сипаттағы бейнероликтері бар 31 сайттың жұмысы заңсыз деп танылды», - деп хабарлады ШҚО ПД баспасөз қызметі.