ШҚО-да ауыл тұрғындары бірігіп, өзен үстінен қатынайтын көпір салды. 

Facebook әлеуметтік желісінде Сайра Нүсіпбаева есімді қолданушы Үржар ауданындағы Көктал ауылының тұрғындарының өз күштерімен аспалы көпір салып алғанын жазып, бейнежазба қалдырды.

-  Көктал ауылының тұрғындары жергілікті биліктен қайыр болмаған соң өз күштерімен жаяу жүргіншілер мен мотоцикл үшін Қатынсу өзенінің үстінен көпір салып алған, - деп жазды жазба авторы.

Бір қызығы ауыл тұрғындары салған көпір Семейдегі аспалы көпірге ұқсайды. Жобасын ауылдағы қарапайым ұстаз жасапты.

- Мына суретте ауыл тұрғындарының жаңа көпірдің жарамдылығын сынап көріп жатқан сәті (суретті ауылдағы ағайын жолдады), - деді желі қолданушы.