Шығыс Қазақстан облысында шанышқымен балық аулаған браконьерлер ұсталды, деп хабарлайды Алтайньюс тілшісі.

Заң бұзушыларды облыстық орман шаруашылығы және жануарлар дүниесі инспекциясының қызметкерлері ұстады.

– 16 қазан күні Семейде, Ертіс өзеніннің бойында, тыйым салынған затпен (шанышқы – үш айыр істігі бар құрал) балық аулаған тәртіп бұзушылар ұсталды. Құқық бұзушыларға қатысты ӘҚБтК-нің 383-бабының 3-бөлігі (балық аулау және балық ресурстары мен басқа да су жануарларын қорғау ережелерін бұзу) бойынша әкімшілік хаттама толтырылды, – деп мәлімдеді инспекция өкілдері.

Айта кетейік, инспекторлар браконьерлердің қайығын және үш келі балығын тәркілеп алды.