Өскеменде тұрғын үйдің бірінші қабатында орналасқан азық-түлік дүкені өртенді, деп хабарлайды Алтайньюс тілшісі.

Жалын төрт шаршы метр аумақты шарпыды. Дегенмен өртенген заттар қатты түтіндеді. Сол себепті өрт сөндірушілер 9 тұрғынды эвакуациялады. Оның ішінде 2 бала бар екенін айта кету керек.

– Өрт кезінде ешкім зардап шекпеді. Мамандар өрттің қалай шыққанын анықтап жатыр. Дүкендегі электрмен жабдықталған сөре бұл оқиғаға бірден-бір себеп болуы мүмкін. Құтқарушылар ескертеді: кәсіпкерлер нысанда өрт қауіпсіздігі ережелерін қатаң сақтауы тиіс. Әсіресе электр жабдықтарын түнде өшіріп кетуге кеңес береді, – деп мәлімдеді ШҚО ТЖД баспасөз қызметі.