Семей қаласында бес қабатты тұрғын үйде шыққан өрт кезінде 27 адам, оның ішінде 7 бала бар, басқа жаққа көшірілді, деп хабарлайды Аltaynews.kz тілшісі.

Облыстық ТЖД-нің баспасөз парағында көрсетілгендей, тілсіз жау бесінші қабаттағы екі бөлмелі пәтерде шыққан. Құтқарушылардың айтуынша, қонақ бөлмедегі үй жиһаздарының ағаш құрандылары, жеке заттар, барлығы 20 шаршы метр жер от құшағына оранған. Соның салдарынан ғимараттың 27 тұрғынын басқа жаққа көшіруге тура келді. Алдын-ала болжам бойынша, өрт электрқондырғыларды орнату кезінде өрт қауіпсіздігін сақтамаудан орын алуы мүмкін.