Шығыс Қазақстан аумағында атмосфералық фронтальдық ағымдардың өтуімен тұрақсыз ауа райы күтіледі - жаңбырлар өтіп, найзағай жарқылдайды, бұршақ түсуі мүмкін, жел күшейеді.
Бұл туралы Қазгидрометке сілтеме жасаған ҚР ТЖМ-нің баспасөз қызметінен хабарлайды.
Жамбыл, Шығыс Қазақстан, күндіз Қостанай және Алматы облыстарында жел екпіні 15-20 м/с дейін күшейеді.
Қызылорда облысында, Шығыс Қазақстан, Батыс Қазақстан, Ақтөбе, Маңғыстау, Алматы облыстарының кейбір жерлерінде, Қарағанды, Қостанай облыстарының оңтүстігінде төтенше жоғары өрт қауіптілігі сақталады.
Жақын тәуліктерде республиканың оңтүстік, оңтүстік-шығыс және шығысындағы таулы өзендерде су деңгейлерінің ауытқулары сақталады
