ШҚО көпсалалы Онкология және хирургия орталығында гинекологиялық обырды ерте диагностикалау және алдын алу бойынша Ашық есік күні өтті, деп хабарлайды  Altainews.kz тілшісі.

Ашық есік күні Шығыс Қазақстан облысының 75 тұрғыны дәрігердің жолдамасынсыз және МӘМС жүйесіндегі мәртебесіне қарамастан онкологиялық орталық мамандарының кеңесін алды.

Гинекологиялық обыр - жатыр мойны обыры, жатыр денесінің обыры, аналық без обыры, сыртқы жыныс мүшелері сияқты ауруларды қамтитын қатерлі ісіктер тобы. Дәрігер тексеру кезінде, сондай-ақ ультрадыбыстық зерттеу нәтижелерін зерттеген кезде көбінесе патологиялық ауруларды анықтауы мүмкін. Сондықтан әйелдерге гинекологқа жиі, жылына кемінде бір рет қаралу ұсынылады.

Ашық есік күндері дәстүрлі түрде демалыс күндері өтеді. Бұл көптеген адамдардың дәрігерге қаралуына мүмкіндік жасайды.