Бүгін Зайсан аудандық Мәдениет үйінде атом электр станциясын  салу тақырыбы бойынша ақпараттық кездесу өтті, деп хабарлайды Altainews.kz тілшісі.

Іс-шараға «Үлбі металлургиялық зауыты» АҚ ғылыми орталығының жетекшісі, философия ғылымдарының докторы, профессор Манарбек Қылышқанов және Д. Серікбаев атындағы Шығыс Қазақстан техникалық университетінің «Жылу энергетикасы» мамандығы бойынша докторанты Назерке Қабылбекқызы қатысып, АЭС-тің жұмыс істеу қағидалары мен артықшылықтары туралы жан-жақты ақпарат берді.

Халықты атом электр станциясын салу жобасы жайлы толық ақпараттандыру, олардың көкейіндегі сұрақтарға жауап беру және қоғамдық пікірді ескеру мақсатында ұйымдастырылған кездесу барысында аудан тұрғындары өз сұрақтарын қойып, сарапшылар атом энергетикасының тиімділігі мен қауіпсіздігі туралы егжей-тегжейлі баяндады.