Қойнауы қазынаға толы Зайсан өңірінде көмір өндіретін кеніш бар. Былтыр бұл кен орнынан 15 мың тонна көмір өндірілген. «Резолют 2005» ЖШС пайдаланып отырған кеніштегі көмірдің қоры 12 миллион 631 мың тоннаға жетеді.

Бүгінде аталған серіктестік Зайсан ауданын ғана емес, сонымен бірге көрші аудандарды да қатты отынмен қамтамасыз етіп отыр, деп хабарлайды Altainews.kz тілшісі.

Кен орнының басшысы Ержан Сейфоллаұлының айтуынша, қазір бұл жерде вахталық әдіспен 35 адам жұмыс істеп жүр. 

Зайсан ауданында кейінгі жылдары газдандыру жұмыстары қарқынды жүргізіліп жатқанымен әлі де қатты отынды пайдаланатын елді мекендер бар.

ШҚО-ға қарасты өзге де аймақтарды қамтамасыз ету үшін, компания жылына 40 мың тоннаға дейін шикізат өндіруді жоспарлап отыр. 

Қуаныш Рахметоллаұлы