Өткен тәулікте Қытайда 25 165 адамның коронавирус жұқтырған. Бұл пандемия басталғалы тіркелген ең жоғарғы көрсеткіш деп хабарлайды Azattyq Rýhy.

ҚХР Гигиена және денсаулық сақтау мәселелері жөніндегі Мемкомитеттің мәліметінше 23 815 адам симптомсыз, ал 1350 адамнан ауру белгілері анықталған.

Елде бір аптада симптомсыз ауырғандар саны 2,7 есеге көбейді. Коронавирус инфекциясы Шанхай мен солтүстік-шығыстағы Цзилинь провинциясында өршіп тұр. Вирус жұқтырғандардың 94 проценті аталған аймақ тұрғындары.

Пандемия басталғалы Қытайда 1,5 млн астам адам COVID-пен ауырып, 13,2 мың адам көз жұмды.