19 наурыз күні «Ертіс концерт» үлкен залында Ұлыстың ұлы күні – Наурыз мейрамы қарсаңында Байжігіт атындағы қазақ ұлт аспаптар оркестрінің «Наурыз думан» атты концерті өтеді, деп хабарлайды мекеменің баспасөз қызметі.

Концерттік бағдарламада Мәдениет саласының үздіктері - Хадхан Манай, Нұргүл Қабдоллаева, республикалық және халықаралық байқаулардың лауреаттары Жансая Зарқынбекова (соло – қобыз), «An.Sal.Dar» тобы, Юлия Юрочкина, Ботагөз Жұмабекова, Айжан Рахымбекова, Жанат Бисимбаев, Абзал Ес өнер көрсетеді.

Байжігіт атындағы қазақ ұлт аспаптар оркестрінің орындауында танымал қазақ композиторларының халық әндері мен күйлері орындалады.

Концерт барлық санитарлық талаптарды сақтай отырып, «Ашық» мобильді қосымшасы арқылы өтеді.