Трамплиннен шаңғымен секіру бойынша Қазақстан командасының өкілі Илья Мизерных Канвон-2024 (Оңтүстік Корея) қысқы жасөспірімдер Олимпиадасының жеңімпазы атанды, деп хабарлайды  Altaynews.kz сайты Olympic.kz порталына сілтеме жасап.

Қалыпты трамплинде бірінші секіруден кейін Мизерныхтың көрсеткіші үшінші орында болатын. Алайда, екінші секіруде ол өзінің нәтижесін жақсарта білді. Үш секірудің қорытындысы бойынша отандасымыз  жүлделі бірінші орынға шықты. Екінші орында – аустриялық Никки Хамл. Лукас Лукашук (Польша) үшінші нәтижені көрсетті.

Айта кетейік, бұған дейін Қазақстан жасөспірімдердің қысқы ойындарында алтын алған емес.