Қазақстанда бір тәулік ішінде коронавирус пен пневмониядан 61 адам қайтыс болды. 

Олардың арасында 56 адамда коронавирусқа тест оң, бесеуінде теріс көрсеткені белгілі. 

"17 қыркүйекте коронавирус инфекциясының белгілері бар пневмонияның 210 жағдайы және 5 өлім жағдайы тіркелді. Оған қоса 183 адам емделіп шықты.

2020 жылдың 13 наурызынан барлығы: ауырғандар - 74025, 4734 өлім жағдайы тіркелді, ал жазылып шыққандардың саны 60717-ге жетті", - делінген хабарламада.

19 қыркүйектегі мәлімет бойынша, жалпы 70 822 адам коронавирус инфекциясынан (62 248 КВИ+ және 8 574 КВИ-) емделіп жатыр, олардың ішінде:

• 13 095 пациент стационарда,
• 57 727 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

•  1 041 адамның жағдайы ауыр,
•  264 пациенттің жағдайы өте ауыр,
•  169 науқас жасанды тыныс алдыру аппаратында жатыр.