Өскемен қаласындағы 5518 әскери бөлімінің базасында №49 мектептің оқушылары «Жас Бүркіт» әскери-патриоттық клубының қатарына қабылданып, Отанға адал болуға ант берді, деп хабарлайды Altainews.kz тілшісі

Іс-шара салтанатты жағдайда өтті. Әскери саптағы тәртіп, көк Тудың желбіреуі және ант беру сәті – барлығы жас бүркіттердің бойында мақтаныш пен жауапкершілік сезімін оятты.

Жас қатысушыларға «Жас Бүркіт» клубының мүшелік куәліктері табысталды. Бұл – олардың азаматтық борышқа деген сенімі мен дайындықтарының айғағы.

Жас өрендерге ізгі тілегін «Шығыс» өңірлік қолбасшылығының ардагері, отставкадағы полковник Айдар Оразбаев жеткізді:

5518 әскери бөлімінің басшылығы іс-шараға қатысқан ұстаздар мен ардагерлерге алғыстарын білдіріп, мұндай кездесулердің жастарды елге қызмет етуге рухтандыратынын атап өтті.

Бүгінде «Жас Бүркіт» патриоттық қозғалысы еліміздің көптеген мектептерінде табысты жұмыс жүргізіп, жас ұрпақты отансүйгіштік пен азаматтық жауапкершілікке тәрбиелеуде.