Өскелең ұрпаққа азаматтық,  патриоттық тәрбие беруде  – «Жарқыл» әскери патриоттық ойынының құндылығы жоғары. Қаладағы жалпы білім беретін №24  мектепте әскери патриоттық ойынның бірінші кезеңі өтті. Алғашқы кезең де шахардағы қырықтан аса мектеп оқушылары кім мықтыны анықтады. Шара  Өскемен қаласының құрметті азаматы, интернационалист жауынгер Шаров Владимир Ивановичті және де тәжік-ауған шекарасындағы қақтығыстарға қатысқан ардагерлерді еске алуға арналды, - деп хабарлайды Altainews.kz тілшісі.

Патриоттық сарындағы байқаудың ашылу салтанатында ауған соғысының ардагерлері, білім саласының мамандары, сондай-ақ Таулы Қарабақ қақтығысының және Ұлттық ұлан ардагері  «Шығыс» өңірлік қолбасшылығы қолбасшысының кеңесшісі отставкадағы полковник  Айдар  Оразбаев  қатысты. Ардагер оқушыларға сәт-сапар тілеп, жылы лебізін жолдады.  

Сайыс барысында оқушылар пневматикалық мылтықтан ату,  қаруды бұзып шашу,  экстремальды жағдайларда алғашқы медициналық көмек беру сонымен қатар парашютті ашып, жинау бойынша сынға түсті. Сайысқа қатысушылардың бірі Ислана Бауыржанқызы. Оқушы үшін әскери патриоттық сайыстың ерекше әсер сыйлайды.

Сайыс қорытындысы бойынша жалпыкомандалық есепте бірінші орынды №19 мектептің оқушылары бірінші орынға қол жеткізді. Қатысушыларға арнайы мадақтама қағаздары мен кубоктар табысталды. 

«Шығыс» өңірлік қолбасшылығының баспасөз қызметі