Облыс орталығындағы «Altay» көтерме-тарату орталығында өткен Күршім ауданының ауылшаруашылық жәрмеңкесі өскемендіктердің көңілінен ерекше шықты. Күннің ызғары мен суық лебі бетті қарып тұрса да, ауылдың дәмін, табиғи өнім алу үшін қала жұрты таңсәріден-ақ жәрмеңкеге қарай ағылды, деп хабарлайды Altainews.kz тілшісі.

Алаңды кернеген әуезді ән, думанға толы көңіл-күй, қазанда бұрқыраған палаудың аңқыған хош иісі – бәрі бұл күнге өзіндік мерекелік сән берді. Ақ шаңқан киіз үйдің ішіндегі мол дастарханнан дәм татуға асыққан халықтың қарасы үзілген жоқ.

Күршім аудандық ауылшаруашылық және кәсіпкерлік бөлімінің мәліметінше, жәрмеңкеге аудан шаруалары тоғыз түрлі негізгі өнім жеткізген. Атап айтқанда, 2,8 тонна сиыр еті, 3,5 тонна жылқы еті, 1,2 тонна қой еті, 900 келі балық, 500 келі бал, 50 келі сары май, 80 келі құрт, 90 келі ірімшік, 20 келі кілегей мен 180 келі түрлі тоқаш өнімдерін саудаға шығарды.

Жәрмеңкеге ауданның барлық ауылдық округтері атсалысып, «Айтқожа», «Бауыржан», «Айым», «Артем», «Қарасай», «Мұрат», «Нұржан» тәрізді шаруашылықтар мен жеке кәсіпкерлер өздерінің экологиялық таза өнімдерін арқалай жетті. Балықты «Төре Тоғам» ЖШС жеткізсе, аты бүкіл өңірге белгілі Маралды балын жеке кәсіпкер Исин алып келді.

Күршім ауданының әкімі Мейіржан Әлбеков жәрмеңкенің жалпы барысына тоқталып, ауданның қала тұрғындарына екі күн бойы тарту жасағанын атап өтті.

Өнім көлеміне тоқталған Мейіржан Әлбеков:

Әкім жәрмеңкені ұйымдастыру барысында байқалған бір түйткілді де жасырмады.

Айна Бакимбаева 

Фото/видео: Руслан Акматалиев