Қазақстан Республикасының Тұңғыш Президенті күні қарсаңында облыс орталығының 30 отбасына жаңа пәтерлердің кілттерін табыс етілді.

Аталмыш шараға облыс әкімі Даниал Ахметов те қатысып, тұрғындардың қуанышымен бөлісті.

Олар – көпбалалы отбасылар, балалар үйінің түлектері, мүмкіндігі шектеулі бүлдіршіндерді тәрбиелеп отырған жанұялар, сондай-ақ Ауған соғысының ардагерлері және басқа әлеуметтік топ өкілдері.

Жаңа қоныс иелері қатарында біздің облысымыздың мақтаныштары - Паралимпиада ойындарының жеңіл атлетикадан екі дүркін чемпионы Ольга Демченко, сондай – ақ "Үміт" балалар үйінің тәрбиеленушісі, әнші, республикалық және халықаралық конкурстардың жеңімпазы Владислав Лоскутов та бар.

Отбасын құру, болашақ ұрпақты тәрбиелеу – әрқайсымыздың ең негізгі жетістігіміз. Біздің өміріміздің мәні болған осы бір міндетті орындау басты мақсатымыз.