Оралхан Бөкей атындағы қалалық орталық кітапхана ұжымы Ұлыстың ұлы күнін  NEO Digital форматында қарсы алады.

Оқырмандарды виртуалды әлемдегі кескіндеме шоуы күтеді, деп хабарлайды Altaynews тілшісі.

Сондай-ақ ұлттық киімдердің цифрлық көрсетілімі, кітап көрмесі, «Қазақ қол өнері» шеберлік сабағы, театрландырылған қойылым, аквагримм және караоке болады.

«Ерекше формат бойынша көкпар, теңге алу, асық ату, қыз қуу және арқан тарту сынды ұлттық ойындар ұйымдастырылады. Басқа да қызықты іс-шаралар бар. 17 наурыз күні сағат 18.00-де кітапханада күтеміз», - деп жазылған хабарламада.

Оралхан Бөкей атындағы қалалық кітапхананың мекенжайы: Е.Славский атындағы жағалау, 22.