Өскемендегі жерүсті жаяу жүргіншілер өткеліне жаңа лифттер орнатпақ. 
Қалалық мәслихат депутаттары жақында өткен сессияда бірнеше мәселенің басын қайырып, шешімін талқылаған. Соның бірі – жерүсті өткеліндегі лифт жайы, деп хабарлайды Altaynews тілшісі. 
Жақында өткен қалалық мәслихат сессиясында депутаттар аталған жобаға қаржы бөлуді мақұлдаған. 
Спорт сарайы маңындағы жерүсті өткеліне бастапқыда орнатылған лифт жарамсыз күйге тез енген. Жаңа лифттер орнатқаннан кейін қозғалуға кедергі келтіретін жайлар жойылып, жағдай өзгереді деп жоспарланған. Бұл жұмыстар үшін 70 млн теңге бөлінеді.