­Өскемен қаласының Халықты жұмыспен қамту орталығы 400 АЕК (1 380 000 теңге) көлеміндегі гранттың 2-ші кезеңіне өтініш қабылдау басталғанын хабарлады. Өтініш қабылдау 15-26 мамыр аралығында жүзеге асырылады.

Мәліметке сәйкес, грант қайтарымсыз негізде беріледі, деп хабарлайды Altaynews тілшісі.

Конкурсқа қатысу үшін үміткер business.enbek.kz порталы арқылы өтінім мен бизнес-жоспарды өз бетінше ұсынады. Ал конкурсқа қабылдау автоматты түрде іске асырылады.

Өтінімдерді қабылдау аяқталғаннан кейін өтініш берушілер «1414» нөмірінен бизнес-жобаларын қорғау жөніндегі комиссияның өтетін күні, уақыты және орны туралы SMS-хабарлама алады.

Толық ақпаратты 700-659 телефон нөмірі арқылы алуға болады. Мекенжайы: Шәкәрім даңғылы, 149/10, 5 кабинет.