Қазақстанда білім гранттарын тағайындау конкурсына өтініштер қабылдау жүріп жатыр. Биылғы оқу жылына қосымша бес мың грант бөлінді, деп хабарлайды Алтайньюс тілшісі.

Бұл туралы Білім және ғылым министрі Асхат Аймағамбетов мәлімдеді.

– 13 шілдеден бастап өтініш қабылдау басталды. Алғашқы төрт күн ішінде конкурсқа қатысу үшін үміткерлерден 28 430 өтініш келіп түсті. Қабылдау 20 шілдеге дейін жалғасады, – деді Асхат Аймағамбетов.

Сонымен жоғары білімді кадрларды даярлауға барлығы 53 785 грант бөлінді.

– Биылғы жылы жергілікті атқарушы органдар конкурстық негізде беретін қосымша бес мың грант бөлінді, — деп толықтырды білім министрі.