ШҚО ТЖД-да суға батқан адамдарға көмектесіп, құтқарып қалған теплоход қызметкерлеріне құрмет көрсетілді.

Теплоход қызметкерлеріне ШҚО ТЖД атынан салтанатты түрде алғыс хат табысталды, деп хабарлайды Altaynews тілшісі.

Оқиға 7 мамыр күні болған. Сол күні «Звезда» теплоходының капитаны Александр Бахарев пен моторист Андрей Денисенко жолаушыларды әдеттегідей Ертіс өзені арқылы тұрақты рейс бойынша тасыған. Өзенде төңкерілген қайық пен суға батып бара жатқан ер адам мен әйел адамды байқай сала дереу кемеден құтқару шеңберін тастап, апатқа тап болғандарды судан алып шықты.

  "Шұғыл жағдайда көмекке келу – бұл ерлік. Біздің өңірде осындай ержүрек, басқа біреудің басына іс түскенде немқұрайды қарамайтын адамдардың болуы өте маңызды. Мұндай әрекет әрқашан да құрметке лайық", делінген ШҚО ТЖД хабарламасында.