1 шілде күні әлеуметтік көмір ұсынуды іске асыру жөніндегі меморандумға қол қойылды. Меморандум Өскемен қаласының әкімдігі, “Шығыс Қазақстан өңірінің ауған ардагері-мүгедектері” қоғамдық бірлестігі мен “Қаражыра” АҚ арасында жасалды.
Қоғамдық бірлестік жеткізу қызметін іске асырады, деп хабарлайды Altaynews тілшісі.
— 14-жылыту маусымы бойынша Өскемен қаласының әкімдігі, “Қаражыра” АҚ мен біздің ұйым арасындағы бірлескен үшжақтымеморандумға қол қойдық. Әлеуметтік көмір жобасы ұзақ уақыт жалғасып келеді. “Қаражыра” АҚ коммерциялық және әлеуметтік көмір арасындағы айырмашылықты өз есебінен өтеп отыр. Өскемендік ұйым әлеуметтік көмірді 15% арзанға жеткізуді ұйымдастырады. Әлеуметтік осал топ санатындағы көмір алушылардан оны сатып алуды ұзаққа созбауын сұраймыз. Себебі өткен жылы баға бірнеше рет өсті. Әкімнің айтуынша, шамамен бес мың сегіз жүзден астам отбасы көмір алады. Оларға көмір арзан бағада беріледі және әлеуметтік жеткізу қарастырылған. Тізімдегі отбасылар жылыту маусымында шамамен 10-15 мың теңге үнемдейді. Олар үшін көмір 13 500 теңге болады, - дейді “Шығыс Қазақстан өңірінің ауған ардагері- мүгедектері” қоғамдық бірлестігінің төрағасы Олег Фролов.
Акционерлік қоғамның төрағасы бұл жұмыстарды жалғастыру туралы ойын білдірді.
— “Қаражыра” АҚ әлеуметтік жауапкершілікті ұстанатынын тағы дәлелдеп отыр. Бұл жұмысты өткен кезеңдерде жолға қойылған ретпен жалғастыра береміз. Әлеуметтік жауапкершілік пен қолдау саласындағы осындай істерді арттыру жолын қарастыратынымызды атап өткім келеді. Осындай жұмыстарды өз өңірімізде де атқарып отырмыз. ШҚО көрші облыс болғандықтан және біз осындағы жалғыз жеткізуші болғандықтан бұл жұмыстарды әкімдікпен бірге жалғастырамыз деп ойлаймын. Біз қоғамдық ұйымды тарта отырып, шынайы тізім жасалуын бақылаймыз. Көмір тиісті адамдарға жетеді, шынайы жұмыс жүреді деген шартпен ғана келісімге қол қоямыз, — дейді компанияның бас директоры Ильяр Низамов.