Өскемен ЖЭО-ның негізгі және қосалқы жабдықтарында жөндеу жұмыстары аяқталуға жақын. Қазіргі уақытта жоспарланған жөндеу жұмыстарының 71,5% орындалды.

«Өскемен ЖЭО» ЖШС өңірдегі ең ірі жылу электр орталығы болып табылады. Ол өнеркәсіптік кәсіпорындар үшін жылу энергиясын өндіруді қамтамасыз етеді және Өскемен қаласының тұрғын үй-коммуналдық секторы жүктемесінің 80%-дан астам көлемін жабады, деп хабарлайды Altaynews тілшісі.

Қазіргі күні онда жоспарланған жұмыстар бекітілген кестеге сәйкес жүргізілуде.

Өскемен ЖЭО жөндеу бағдарламасын іске асыруға 40 мердігер ұйым қатысуда. Жөндеу жұмыстарына тартылған персоналдың жалпы саны 250 адамды құрайды.

Айта кету керек, 2023 жылғы инвестициялық бағдарламаға қазандық агрегатының жылыту бетінің негізгі жабдығының элементтерін ауыстыру бойынша қосымша іс-шаралар енгізілген. Бұл іс-шаралар ст. №№ 10,12,14,15 қазандық агрегаттарында іске асырылады.