Облыс әкімі Даниал Ахметов «Өскемен жылу электр орталығы» ЖШС өкілдерімен кездесті.

Кәсіпорын жоғары қысымды қазандық салу бойынша инвестициялық жобаны жүзеге асыруды жоспарлап отыр, деп хабарлайды Altaynews тілшісі. 

– Бұл кәсіпорын ірі өнеркәсіптік ұйымдар мен тұрғын үй-коммуналдық сектор үшін электр және жылу энергиясын өндіру жүктемесінің 80 пайызын қамтамасыз етіп отыр. Қазіргі таңда Орталық жоғары қысымды қазандық салу бойынша инвестициялық жобаны, сондай-ақ екі қазандық агрегатын күрделі жөндеуден өткізу бойынша жобаларды жүзеге асырмақ. Осы мақсаттарға инвестициялық жобаға 8 миллиард теңге салынды, бұл жөндеу жұмыстары жаңа жылыту маусымына толық дайындалуға мүмкіндік береді, – деді облыс әкімі.

Жақында кәсіпорында ауқымды тексеру болған. Аймақ басшысы елеулі бұзушылықтар анықталмағанын айтты.

– Станцияны дамытудың кешенді жоспары бар, енді ЖЭО басшылығына оның «инвестиция орнына Тариф» жаңа үкіметтік бағдарламасына сәйкес келтірілуі өте маңызды, – деді Даниал Ахметов.

Облыс әкімі қала қарқынды дамып, жаңа тұрғын аудандар салынып, кәсіпорындар ашылып жатқандықтан қуаттылықты арттыру қажет екенін атап өтті.