Өскеменде пластик бөтелкелерді қабылдайтын автомат орнатылды
Облыс орталығында бос пластик бөтелкелер және алюминий банкалар қабылдайтын автомат-фандомат орнатылды.
Бөтелкелерді фандоматқа тапсыра отырып, бонус жинай аласыз. Оларды қала дүкендерінде жеңілдік ретінде пайдалануға болады, деп хабарлайды Altaynews тілшісі.
Қаладағы алғашқы фандомат Виноградов көшесіндегі фудкортта орнатылды (CITY FOOD).
Сұранысқа қарай олардың саны да арта түседі. Қала әкімінің айтуынша, қалада тағы осындай 5 автомат орнатылмақ.
- "Таза қала" бағдарламасы аясында біз алғашқы фандоматты орнаттық. Бұл арқылы табиғаттың тазалығына ат салыса отырып, өзіміз де көмек ала аламыз. Яғни пластик бөтелкелер және алюминий банкаларды тапсыру арқылы серіктес компаниялардан жағымды жеңілдіктер мен бонустар алуға болады, - дейді Жақсылық Омар.
Бөтелкелер мен банкаларды тапсыру үшін фандоматқа телефон нөміріңізді енгізу керек.
Оқи отырыңыз
