Өскеменде балаларға арналған фестиваль өтеді
Фото: pexels.com
Облыс орталығында «Балалықтың жарқын бояулары» атты балалар мен жасөспірімдер фестивалі өтеді.
Шара барысында кішкентай тұрғындар мен ата-аналар ән айтып, би билеп, түрлі ойындар ойнап, көңіл көтере алады, деп хабарлайды Altaynews тілшісі.
- Фестиваль 24 қыркүйек күні кешкі сағат 17.00-де «Ертіс концерт» залында өтеді. Шараның мақсаты – балалардың музыкаға, әнге, биге деген сүйіспеншілігін ояту, кішкентай бүлдіршіндерге қуаныш сыйлау және смартфонға тәуелділіктің алдын алу, - делінген қала әкімдігінің хабарламасында.
Фестиваль барысында «Непоседы» би ансамблі, «AMATERASU» би студиясы, Руслан Салеев, Альмира Қадырбаева мен Мадина Әділбекова және басқа да әртістер өнер көрсетеді.
Оқи отырыңыз
