Өскемен орталығындағы 5 үйдің қасбеті жөнделіп жатыр
Фото - автордікі
Өскеменде ғимараттың қасбетін қалыпқа келтіру жұмысы жалғасып жатыр. Қазіргі таңда Чехов 41, 56, 51 және С. Нұрмағамбетов 37, 34 мекенжайы бойынша орналасқан ғимараттардың қасбетін жөндеп жатыр.
Қала әкімінің айтуынша, ол биыл жөнделетін соңғы үйлер, деп хабарлайды Altaynews тілшісі.
– Қалада 100 қасбетті жөндеу жобасы көктемнен бері жүріп жатқанын білесіздер. Қазір соңғы 5 үйде жұмысты қолға алдық. Нұрмағамбетов, Чехов және Горький көшелерінің қиылысындағы 5 үй таңдалды. Қазір мердігер компания жоспар бойынша жұмыс атқаруға кірісті. Менің ойымша бір ай көлемінде осы жұмыстарды аяқтаймыз. Қазір орталықтағы оғаш көрінетін үйлердің сыртын жөндеуді бастадық. Биыл осы 32 үймен аяқтаймыз. Сосын көктемде қайта жалғастырамыз, – дейді қала әкімі Жақсылық Омар.
Оқи отырыңыз
