Элеватор бастоғанының аумағында ақау шықты. Салдарынан Өскеменнің біраз тұрғыны уақытша сусыз қалады.

«Өскемен Водоканал» МКК ақпараты бойынша, Элеватор бастоғанының аумағындағы су құбыры құдығында ақау шығып, суық су кетіп жатыр. Ақауды жою үшін Сол жағалау кентінде 9 қарашада сағат 23.00-ге дейін уақытша суық су өшіріледі, деп хабарлайды Altaynews.kz тілшісі.

Атап айтқанда, 5 көппәтерлі үй, 94 абонент, 209 тұрғын, 735 жер үй, 1845 тұрғын, сондай-ақ мектеп-интернат (Прибрежная көшесі, 81/1), №6 мектеп (Прибрежная көшесі, 85/1) уақытша сусыз қалады.

Әкімдіктің хабарлауынша, су беру тоқтатылған уақытта тұрғындарға арнайы техникамен су жеткізілетін болады. Суға жеткізуге өтінімдер келесі телефон номері арқылы тәулік бойы қабылданады: 53-16-61, +7 705 206 79 16.