Кәмелетке толмаған үш жасөспірімді көлік қағып кетті – Өскемен
Фото: ult.kz
14 қараша күні сағат 19.00 шамасында облыс орталығында жол-көлік оқиғасы болды.
Сәтпаев-Жібек жолы даңғылының қиылысында жеңіл автокөліктің жүргізушісі кәмелетке толмаған үш жаяу жүргіншіні қағып кетті, деп хабарлайды Altaynews тілшісі.
Жол апаты салдарынан түрлі дене жарақатын алған жасөспірімдер ауруханаға жеткізілді.
- Аталған факт бойынша ҚР Қылмыстық кодекстің 345 - бабы 2-бөлігіне сәйкес сотқа дейінгі тергеу басталды. Жүргізушілердің жол ережелерін өрескел бұзуы өзге тұрғындардың өміріне қауіп төндіруі мүмкін. Сондықтан көлік жүргізушілеріне көлік жылдамдығын шамадан тыс асырмай, сақ болу керектігін еске саламыз, - дейді ШҚО ПД баспасөз қызметі.
Сотқа дейінгі тергеп-тексеру бойынша бірқатар сот сараптамалары тағайындалды. Олардың нәтижелері бойынша процестік шешім қабылданатын болады.
