Өскеменде темекінің кесірінен өрт шығып, 5 адам эвакуацияланды
Фото: ШҚО ТЖД баспасөз қызметі
26 қараша күні сағат 03.00 шамасында облыс орталығындағы Гоголь көшесінен өрт шықты.
ШҚО ТЖД мамандарының ақпаратына сүйенсек, өрт темекі тұқылының кесірінен шыққан, деп хабарлайды Altaynews тілшісі.
- Өрт сөндірушілер жедел түрде баспалдақпен 5 тұрғынды, оның ішінде 2 баланы эвакуациялады. 3 иінді сатыны орнатып, пәтер иесі өрт аймағынан құтқарылды. Үйлесімді іс-әрекеттің арқасында 20 шаршы метр алаңдағы өрт ауыздықталды, - дейді ШҚО ТЖД баспасөз қызметі.
Оқиға орнына 4 бірлік техника мен жеке құрамның 13 адамы тартылды.
Эвакуацияланған тұрғындарды апаттар медицинасы орталығының дәрігерлері уақытылы тексеріп, алғашқы көмек көрсетті.
ШҚО ТЖД тұрғындарға өрт қауіпсіздігі ережелерін сақтауды ескертеді.
Оқи отырыңыз
