Өскеменде электр кептіргіш кесірінен тоғыз қабатты үйде өрт шықты
Фото: ШҚО ТЖД бапасөз қызметі
Бүгін таңғы 4.00 шамасында облыс орталығындағы 30-шы гвардиялық дивизия көшесінде орналасқан тұрғын үйден өрт шықты.
Оқиға орнына дереу жеткен өрт сөндірушілер 19 тұрғынды эвакуациялады, оның ішінде 2 бала бар, деп хабарлайды Altaynews тілшісі.
Абырой болғанда, құтқарушылар өрттің таралуына жол бермей, 2 шаршы метр аумақтағы қызыл жалын ауыздықталды.
Тілсіз жауды ауыздықтауға жеке құрамның 35 адамы мен 10 техника жұмылдырылды, дейді ШҚО ТЖД баспасөз қызметі.
Алдын ала болжам бойынша өрттің себебі – электр жабдықтарын пайдалану кезінде өрт қауіпсіздігі талаптарын сақтамау, атап айтқанда, көкөністер мен жемістерге арналған электр кептіргіш.
Оқи отырыңыз
