Сыртқы ауа температурасының тұрақты жылынуына байланысты 17 сәуірден бастап Өскеменде жылыту маусымын аяқтау туралы шешім шығарылып отыр, деп хабарлайды Altainews.kz тілшісі.

«Өскемен ЖЭО» ЖШС, «Согра ЖЭО» ЖШС (Жаңа Согра кенті), «№3 қазандық» жылу көздеріне қосылған тұтынушыларға өтініш бойынша жылыту жүйелерін 24 мамырға дейін төмендетілген гидравликалық параметрлерде пайдалануға рұқсат етіледі.

Өтініштер «Өскемен жылу желілері» АҚ-ның дербес қызмет көрсету орталығында (Горький к., 61) қабылданады. Жұмыс режимі – 8:00-ден 18:00-ге дейін, түскі үзіліссіз, сенбі күні 9:00-ден 14:00-ге дейін.

Сондай-ақ өтінішті электрондық түрде де ukheatnets@ukteplo.kz поштасы арқылы бере аласыз.

Сұрақтарды кәсіпорынның Instagram желісіндегі @ukts_info парақшасы арқылы қоюға болады.