Өскеменде жылу беру маусымы аяқталды, деп хабарлайды Алтайньюс тілшісі.

– Ауа райының тұрақтылығына (+10 С° жоғары) байланысты жылыту маусымының аяқталғанын жариялаймыз. 2019 жылдың 29-30 сәуірі аралығында жылу жүйелерін өшіру жұмыстары жүргізіледі, – деп мәлімдеді «Өскемен жылу желілері» АҚ-ның баспасөз қызметі.

Кәсіпорынның мәлімдеуінше, өтініш жазу арқылы жылыту жүйелерін төмендетілген гидравликалық параметрлермен мамырдың 22-сіне дейін пайдалануға болады. Айталық балабақшалар, мектептер, ауруханалар, сондай-ақ жеке және заңды тұлғалар өтініш білдіре алады.

Өтініштер мына мекен-жай бойынша қабылданады: «Өскемен жылу желілері» АҚ, М.Горький көшесі, 61, дербес қызмет көрсету орталығы.