Өскемендік құтқарушылар кезекті өрт-тактикалық жаттығуларын элеваторда өткізді. Аңыз бойынша бойынша технологиялық процестің бұзылуы салдарынан күнбағыс дәні өртенді, деп хабарлайды Altainews.kz  тілшісі.

Өрт технологиялық жабдықтарға таралу қаупін тудырды. Бірінші кезекте элеватор жұмысшылары эвакуацияланып, ғимарат токтан ажыратылды. Қысқа уақыт ішінде шартты өрт шыққан жерге құтқарушылар келді. Сол жерде жедел штаб құрылды, оның  құрамына объектінің мамандары кірді. Өрт сөндірушілер дереу отпен күреске кірісті. Барлығы 16 арнайы техника мен 50-ден астам құтқарушы тартылды.

Кәсіпқойлардың үйлесімді әрекеттері арқасында «өрт» тез сөндірілді.  Өрт сөндірушілердің даярлық деңгейі, объекті персоналының іс-әрекеті «жақсыға» бағаланды.

 Фото: ШҚО ТЖД баспасөз қызметі