Байланыс пен интернет бағасының шарықтауына монополия себеп
Фото: Шартты сурет
Астана қаласында өткен бәсеке туралы форумда Бәсекелестікті қорғау және дамыту агенттігі төрағасы Марат Омаров телекоммуникация нарығындағы монополияны сынға алған.
Агенттік төрағасының айтуынша, Қазақтелеком радиожиілік спектрін сатып алған, деп хабарлайды Altaynews Қазақпарат агенттігіне сілтеме жасап.
Сатып алынған мемлекеттік ресурс бизнес өкілдеріне сатылуы тиіс еді.
Оның мәліметінше, Алтел байланыс операторы 13 наурыздан бастап қызмет көрсету бағасын өсірген.
Нақтырақ айтқанда, 1 минут сөйлесу/SMS ақысы 9-дан 18 теңгеге дейін көтерілген.
Бәсекеге қабілетті ұялы байланыс нарығын қалпына келтіру перспективасын төмендететін бірнеше себеп бар. Олардың қатарына еркін радиожиілік спектрінің болмауы, экономикалық кедергілер кіреді.