Қазақ тілін ПИК-тер мен МИБ-тердің жанында үйренуге болады
Фото: шартты сурет
Қазақстанның кейбір қалаларының тұрғындары ПИК және МИБ жанынан құрылған клубтарда мемлекеттік тілді үйрене алады. Алғашқы клуб Алматыда жұмысын бастады.
Жаңа бастама жайында "Ассамблея жастары" РҚБ мүшесі, Қазақстан ұйғыр жастар одағының төрағасы Рустам Қайрыев айтып берді, деп хабарлайды Altaynews тілшісі Zakon.kz-ке сілтеме жасап.
– Біздің клубтар үй аулаларында ПИК және МИБ жанында жұмыс істейді. Бұл тіл үйренгісі келетіндер үшін өте ыңғайлы. Бірнеше апта бұрын Алматыда осындай клуб алғаш рет ашылды. Ол сегіз көпқабатты тұрғын үй мен 500 тұрғынды біріктіріп отыр. Тіл үйрететін клубтарға жаяу-ақ бара салуға болады әрі мүлдем тегін жұмыс істейді, – деп түсіндірді Рустам Қайрыев.
Жыл соңына дейін еріктілер Алматыда осындай 50-ге жуық аула клубын ашуды жоспарлап отыр. Келесі аптада Әуезов және Алатау аудандарының тұрғындары тіл үйрену сабағына қатыса алады. Маңызды жобаны еліміздің Астана, Қарағанды, Павлодар қалаларында, сонымен бірге Шығыс Қазақстанда да іске асыру жоспарда бар.
Оқи отырыңыз
