Тұтынушылардан түсетін шағымдардың басым бөлігі қай салаға қатысты?
Фото: egemen.kz
Тұтынушылардан түсетін шағымдардың басым бөлігі сапасы төмен тауарларды сату, тауар бағасының көрсетілмеуі және дұрыс көрсетілмеуі, интернет-дүкендерден ақшаның уақтылы қайтарылмауы бойынша тіркеледі.
Бұл туралы Премьер-Министр Әлихан Смайылов Үкімет сағатында айтты, деп хабарлайды Altaynews primeminister.kz ресурсына сілтеме жасап.
– Тұтынушылар сондай-ақ денсаулық сақтау, тамақтану, тұрғын үй-коммуналдық шаруашылық, байланыс салаларындағы қызметтердің сапасына да жиі шағымданады. Мемлекеттік органдар өтініштерді уақтылы қарай бермейді. Көбінесе мәселе сол күйі шешілмей қалып жатады. Осыған байланысты, Тұтынушылардың құқықтарын қорғау жөніндегі ведомствоаралық кеңестің жұмысын күшейту қажет, – деді Әлихан Смайылов.
Оқи отырыңыз
