Тұтынушы құқығын қорғау жөніндегі Омбудсмен институтын енгізбек
Фото: egemen.kz
ҚР Премьер-Министрі Әлихан Смайылов төрағалық еткен Үкімет отырысында тұтынушылардың құқықтарын қорғау саласындағы жаңа шаралар қаралды.
Онда тұтынушылардың құқығын қорғау шараларын арттыру қажеттігі айтылды, деп хабарлайды Altaynews primeminister.kz ресурсына сілтеме жасап.
Үкімет басшысы 2020 жылы «Тұтынушылардың құқықтарын қорғау туралы» Заңға енгізілген түзетулер үкіметтік емес ұйымдар мен бизнесті тарта отырып, біртұтас жүйе құруға ықпал еткенін жеткізген. Оған қоса нақты нәтижеге қол жеткізу үшін заңнамалық базаны әлі де жетілдіру қажет. Осы мақсатта қолданыстағы заңдарға жаңа түзетулер әзірленген көрінеді.
Әлихан Смайылов ұсынылған заң жобаларын қолдау бойынша дауыс беру рәсімі өткізілгеннен кейін олардың Парламент Мәжілісіне белгіленген мерзімде енгізілуін қамтамасыз етуді тапсырған.
Үкімет басшысы сонымен қатар халықтың тұрмыс сапасын жақсартатын қолданыстағы ұлттық стандарттарды жетілдіру бойынша жұмыс жүргізу қажеттігін де атап өтті.
