KZ
Өскемен
+9°
ясно жел 0,8 м/с, З
446.49 475.38 4.79

Орал тұрғыны Алтын Орданың туын сақтап жүр

Фото: Хабар 24

19.06.2023, 21:53 4 974 Мадина Амангелдіқызы

Орал тұрғыны Алтын Орда дәуіріне тиесілі туды сақтап жүр.

Анаргүл Әміроваға бұл құнды жәдігерді ата-бабалары мирас етіп қалдырған, деп хабарлайды Altaynews.kz сайты «Хабар 24» телеарнасына сілтеме жасап.

Бұл жәдігер әлі күнге дейін ғылыми сараптамадан өтпеген екен. Себебі зерттеу жұмысы қыруар қаражатты талап етеді.

Талай ғасырдың куәсі болған тудың әбден тозығы жеткен. Жақында Алматыдағы Әл-Фараби университетінің ғылыми зерттеу орталығының мамандары жәдігердің 13-ғасырға тиесілі екенін дәлелдеді. Ғалымдардың айтуынша, матаның сапасы мен онда бейнеленген таңба тарихтан терең сыр шертеді.

Анаргүл Әмірова енді тудың мемлекет қорғауына алынғанын қалайды.

- Атамның айтуы бойынша, бұл аталарынан беріліп келе жатқан мұра екен. Осы күнге дейін олар өздері «бұл – Алтын Орданың туы» деп айтып келе жатты. Бірақ мұны дәлелдеу үшін ол кезде уақыт болған жоқ, мүмкіндік болған жоқ. Енді мен кірістім. Осыны аяғына дейін аяқтаймын деп шештім, - деп жеткізді ол.

Әл-Фараби атындағы ҚҰУ ғылыми зерттеу орталығының қызметкері Өмір Тұяқбаевтың айтуынша, туда көрсетілген мемлекеттік таңбалар Бату отбасына тиесілі болуы мүмкін.

– Бір бетінде Алтын Ордаға тән мемлекеттік таңба бар. Бұл таңбаларды көне карталарда, көне жазба деректерде, монеталардан көреміз. Бұл таңба Бату отбасына тиесілі болғанын ғалым Жақсылық Сәбитов өзінің мақаласында көрсетіп кеткен. Орта ғасырлардағы стандарттардың өлшемі – 1-1,5 м. Бұл да сол шамаға жақындайды. Шеттері көп жыртылған, – дейді Өмір Тұяқбаев.


Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив