Қазақстанда сыртқа көмір шығаруға салынған тыйымның мерзімі ұзартылды
Фото: Тілеубек Шаяхметов
ҚР Өнеркәсіп және құрылыс министрлігі ел аумағынан тыс жерге автомобильмен көмір тасуға салынған тыйымның мерзімін ұзартты. Мерзім биыл 26 қарашадан бастап 6 айға ұзартылады.
Бұл шара халық арасында жылыту маусымында көмір тапшылығын болдырмау үшін ойластырылған, деп хабарлайды Altaynews тілшісі.
Дәлірек айтқанда, шектеу шаралары мынадай түрлерге қолданылады:
- тас көмір, ұнтақталған немесе ұнтақ емес, бірақ агломерацияланбаған (СЭҚ ТН коды 2701);
- лигнит, қоңыр көмір, агломерацияланған немесе агломерацияланбаған, гагаттан басқа (СЭҚ ТН коды 2702).
– Қазақстан Республикасының аумағынан автомобиль көлігімен көмірді әкетуге тыйым салуды белгілеудің орындылығы 2023 жылғы 20 қыркүйектегі сыртқы сауда саясаты және Халықаралық экономикалық ұйымдарға қатысу мәселелері жөніндегі ведомствоаралық комиссияның (ВАК) отырысында қаралды және қолдау тапты, – деп жазылған министрліктің хабарламасында.
Оқи отырыңыз
