Биыл Қазақстан балалары Ұлттық қордан 700 миллион доллар алады
Фото: aikyn.kz
Ұлттық банк төрағасы Тимур Сүлейменов биыл Ұлттық қордан балаларға 700 миллион доллар бөлінетінін мәлімдеді, деп хабарлайды Altaynews.kz сайты Stan.kz ақпарат агенттігіне сілтеме жасап.
Сүлейменовтың айтуынша, "Балаларға арналған ұлттық қор" жобасына 7 миллионға жуық бала қатысады. Бағдарламаның операторы – Бірыңғай жинақтаушы зейнетақы қоры қазір тізімді сәйкестендіріп жатыр.
– Біз бұл келісімді дайындап жатырмыз. Оның үстіне үкімет деңгейінде бір заңға тәуелді актілер бар. Оны қаңтардың аяғына дейін қабылдайды. Сонымен біздің барлық жүйелеріміз дайын. Шамамен 7 миллион балаға шот ашылды, келісімнен кейін біз оларды толығымен ашамыз. 2024 жылы балаларға 700 миллион доллар бөлінеді, – деді ол.
Айта кетейік, бұған дейін 2024 жылы Ұлттық қордан қанша бала ақша алатыны айтылған еді. Екі аптадан кейін Қазақстанда кәмелетке толмағандардың арнайы шоттарына ұлттық қордан төлемдер түсе бастайды. БЖЗҚ жобасының операторы қатысушылардың тізімін жасап қойған. Биыл қаңтарда 18 жасқа толғандарды қосқанда 7 миллионға жуық бала ақша алады.
Жанаргүл Мұқатай
Оқи отырыңыз
Ұлттық қордан алғашқы төлемді қанша бала алатыны айтылдыБалаларға Ұлттық қордан бөлінетін ақша доллар түрінде сақталадыЕлімізде азаматтығын өзгерткен балаларға Ұлттық қордан ақша берілмейді2024 жылы Ұлттық қордан қанша бала төлем алады?"Ұлттық қор - балаларға": БЖЗҚ төлем алатын балалардың тізімін жасады
