Елімізде соңғы 5 тәулікте 1900-ден астам жер сілкінісі болған
Фото hespress.com
Алматыда болған жер сілкініс елді біраз дүрбелеңге салды. Алайда қазір жағдай тұрақты.
Сейсмологиялық байқау және зерттеулер ұлттық ғылыми орталығы 2024 жылғы 23 қаңтарынан бастап Қазақстан аумағында 1900-ден астам жер сілкінісі болғанын хабарлады. Оның 11-і нақты сезілген, деп хабарлайды Altainews.kz сайты BAQ.KZ порталына сілтеме жасап.
Бұл жер сілкінісі Қытай мен Қырғызстан шекарасында болған қатты жер сілкінісімен байланысты.
– Әдетте, мұндай жер сілкіністерінен кейін көптеген афтершок болады, бұл әлі де байқалады. Бұл процестің қанша уақытқа созылатыны көптеген факторға, соның ішінде жер сілкінісінің эпиорталығы орналасқан аймақтың сейсмикасына және жер жағдайына байланысты, – деп хабарлады Төтенше жағдайлар министрлігі.
Бірте-бірте сейсмикалық белсендіру процесі әлсірейді және ол қалыпты режимге оралады.
