Қазақстанда жаңа декларация үлгісі енгізіледі: не өзгереді?
Фото: ndflservice.ru
Қазақстанда жаңа декларация үлгісі енгізіледі. Сөз 270.00 үлгісіндегі декларация туралы.
Мемлекеттік кірістер комитеті мәліметінше, 2024 жылдың 1 қаңтарынан бастап кірістер мен мүлік туралы декларацияда көрсетілетін мәліметтердің тізімі қысқартылған, деп хабарлайды Altaynews.kz сайты Tengrinews.kz ақпараттық порталына сілтеме жасап.
Сонымен қатар кірістер мен мүлік туралы декларацияда (270.00-үлгі) мүлікті сатып алу бойынша шығыстарды жабу көздері туралы мәліметтерді көрсету міндеті "Сыбайлас жемқорлыққа қарсы іс-қимыл туралы" Қазақстан Республикасының Заңында көрсетілген жеке тұлғаларға ғана жүктеледі, атап айтқанда:
жауапты мемлекеттік лауазымдарды атқаратын тұлғалар және олардың жұбайлары;
мемлекеттік функцияларды орындауға уәкілеттік берілген адамдар және олардың жұбайлары;
лауазымды тұлғалар мен олардың жұбайлары;
мемлекеттік функцияларды орындауға уәкілеттік берілген адамдарға теңестірілген адамдар және олардың жұбайлары.
Білу маңызды: егер 2024 жылы "қабылданды" және "орналастырылды" мәртебесі бар кірістер мен мүлік туралы жарамды декларация (270.00-үлгі) ұсынылса, 270.00-үлгі бойынша декларацияны қайта тапсырудың қажеті жоқ.
Жанаргүл Мұқатай
