Оқушылардың білім жетістіктеріне мониторинг басталды
Фото: ru.freepik.com
15 сәуірден бастап ел мектептерінде оқушылардың білім жетістіктерінің мониторингі басталды. Оған 2462 мектептегі төртінші және тоғызыншы сыныптардан 150 мың оқушы қатысады, деп хабарлайды Altainews.kz тілшісі Оқу-ағарту министрлігінің Telegram арнасына сілтеме жасап.
– Тасқынға байланысты алты өңірде (Ақмола, Атырау, Ақтөбе, СҚО, Қостанай, БҚО) ББЖМ (білім алушылардың білім жетістіктерін мониторингілеу) 15 сәуірден 29 сәуірге ауыстырылады. Мониторинг оқу, математикалық және жаратылыстану сауаттылығы бағыттары бойынша компьютерлік тест түрінде өтеді, – деді Оқу-ағарту министрлігі білім беру саласында сапаны қамтамасыз ету комитетінің басқарма басшысы Динара Абылканова.
ББЖМ 3 мамырға дейін жалғасады. Осы жылы тест тапсырмалары PISA, PIRLS, TIMSS халықаралық бағалау жүйелерін ескере отырып жаңартылды.
ББЖМ – бұл оқу бағдарламаларының тиімділігін бағалауға, оқу процесінің мықты және әлсіз тұстарын анықтауға мүмкіндік беретін, оқушылардың білім сапасын анықтайтын қазақстандық ұлттық зерттеу. Түпкілікті нәтиже – білім беру сапасын арттыру үшін әр аймақ пен нақты мектеп бойынша кешенді талдау мен әдістемелік ұсынымдар әзірлеу.
Оқи отырыңыз
Мектеп оқушыларының білім сапасына баға берілмекПрезиденттің «Өркен» білім грантын тағайындауға іріктеу байқауы басталдыБілім басқармаларына мониторинг жүргізіледіБілім басқармаларына оқу-тәрбие процесін бақылауды күшейту туралы тапсырма берілдіШҚО-да «Мың бала» ұлттық зияткерлік олимпиадасына тіркелу басталды
