2024 жылдың қорытындысы бойынша Мемлекеттік әлеуметтік сақтандыру қоры жұмысынан айырылған азаматтарға арналған әлеуметтік төлемдерді белсенді түрде жүзеге асырды. Жыл бойында 293,6 мың адам әлеуметтік төлем алды, оның ішінде 258,6 мың адамға төлем алғаш рет тағайындалған,- деп хабарлайды Altainews.kz тілшісі.

Әлеуметтік төлемдердің жалпы сомасы 88,3 млрд теңгені құрады, бұл жұмысынан айырылған азаматтардың өмір сүру деңгейін қолдауға бағытталған маңызды қадам болды.

Қор қызметі жұмыссыздыққа қарсы күрес және азаматтардың әлеуметтік қорғалу деңгейін арттыру мақсатында өзекті рөл атқарды. Осы орайда, мемлекет әлеуметтік әділеттілікті қамтамасыз етіп, халықтың экономикалық тұрақтылығын сақтау үшін маңызды жұмыстар атқаруда.