Қазақстан мен Өзбекстан арасындағы шекарада орналасқан «Тәжен» өткізу пункті 2024 жылғы 1 қыркүйекке дейін уақытша жабылды. Бұл туралы Қаржы министрлігінің Мемлекеттік кірістер комитеті ресми түрде мәлімдеді, деп хабарлайды Altainews.kz тілшісі.

Шекара бекетінің уақытша жабылуына себеп – онда жүргізіліп жатқан ауқымды құрылыс және қайта жаңғырту жұмыстары. Жоспарланған жұмыстар шекара инфрақұрылымын жаңарту, өткізу мүмкіндігін арттыру және қауіпсіздікті күшейту мақсатында жүзеге асырылуда.

Осы кезеңде жолаушылар мен көлік құралдарының «Тәжен» пункті арқылы өтуіне шектеу қойылады.

Мемлекеттік кірістер комитеті барлық шекаралас аймақ тұрғындарын және жүк тасымалдаушыларды бұл жағдайды ескере отырып, алдын ала маршрут жоспарлауға кеңес береді.