Мемлекет басшысы: «Мемлекетке қызмет ету – ең құрметті әрі аса жауапты міндет»
24 маусым – Қазақстанда құқық қорғау органдары мен мемлекеттік қызметшілердің кәсіби мейрамы. Осы атаулы күнге орай Президент Қасым-Жомарт Тоқаев құқық қорғау органдарының кеңейтілген жиынында арнайы құттықтау сөз сөйледі, деп хабарлайды Altainews.kz тілшісі Ақорданың баспасөз қызметінің Телеграмдағы арнасына сілтеме жасап.
Қасым-Жомарт Тоқаев елімізде соңғы жылдары барлық салада ауқымды реформалар жүргізіліп жатқанын атап өтті. Оның айтуынша, мемлекеттің саяси жүйесі мен экономикалық құрылымы түбегейлі жаңғырып келеді. Қоғамда құқықтық мәдениет нығайып, азаматтық жауапкершілік идеологиясы беки түсті.
Президент қазіргі әлемдегі тұрақсыздық пен қауіп-қатер кезеңінде құқықтық тәртіп пен қоғамдық қауіпсіздікті сақтау аса маңызды екенін еске салды. Осы мақсатта елімізде барлық күштік құрылымдар мен мемлекеттік органдардың бірлесе жұмыс істеуі қажет.
Қасым-Жомарт Тоқаев трансұлттық қылмыстық топтармен күресте халықаралық әріптестіктің маңызын атап өтіп, шетелдік полиция атташелеріне алғысын білдірді.
